منتدى كنوز الحاسبات العراقية من الطارمية بادارة أحمد محمود
اخي الكريم يمكنك التسجيل والمساهمة بالمنتدى ونشر مواضيعكم على هذا المنتدى


 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول
اهلا وسهلا بزوار هذا المنتدى --- تحية خاصة الى طلاب الجامعة العراقية قسم الحاسبات في الطارمية تحية خاصة ----- يمكنكم التمتع بالميزات التي يمنحها لكم هذا المنتدى من خلال التسجيل في عضوية ____


شاطر | 
 

 أمثال وعبر لمن اعتبر من

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كنز الحاسبات
Admin
Admin
avatar

عدد المساهمات : 112
نقاط : 8433
تاريخ التسجيل : 28/05/2010
العمر : 24
الموقع : http://a-m-h-a.yoo7.com

مُساهمةموضوع: أمثال وعبر لمن اعتبر من    الإثنين أبريل 04, 2011 5:01 am





المثل الشعبي في معظم الحالات تعبيرعن نتاج تجربة شعبية طويلة تخلص إلى عبرة وحكمة، وتؤسس على هذه الخبرة للحضّ على سلوك معين، أو للتنبيه من سلوك معيّن

المثل جملة مفيدة موجزة متوارثة شفاهاً من جيلٍ إلى جيل. وهو جملةٌ محكَمة البناء بليغة العبارة عادة، شائعة الاستعمال عند مختلف الطبقات. وقد يستعمل المثل بين الناس، ولا يعرف كل من يستعمله تفاصيل الحكاية أو الحادثة التي وراءه، وإنما يتعاملون مع المعنى العام لعبارته

والأمثال لا تتفق دائما، بل تتناقض أحيانا ، لو وُضعت جنباً إلي جنب، كقولهم: "الجار للجار ولو جار" وقولهم " يا جاري إنت بحالك وأنا بحالي" فالأول يدعو إلى التضامن مع الجار في كل حال، والثاني يدعو ظاهرا إلى الانصراف عنه، ولكن لو دققنا في الأمر لوجدنا ان الامر ليس فيه تناقض ولكان المعنى في الاول ان عليك ان تسارع الى نجدة جارك في مصيبته او حاجته بينما الثاني معناه ان لا تتدخل بشؤون جارك الخاصة فلا تتدخل في ما لا يعنيك.

وقد رأيت ان اعيد على مسامعكم بعضا من الأمثال الشعبية المتداولة ، فمنها ما فيه الفكاهة ومنها ما فيه أخذ العبر للاستفادة



الأرض الواطية بتشرب ميتها ومية غيرها
الهي الكلب بعظمة

بزرة زيتون بتسند خابية
اسأل عن الجار قبل الدار

اسأل مجرب ولا تسأل حكيم
انا امير وانت امير و مين بيسوق الحمير

إلحق الكذاب لباب الدار
ألف قلبي ولا غلبي

إللي إلو عمر ما بتقتلو شدّي
الي ما داق المغراية ما بيعرف شو الحكاية

اجت الحزينة لتفرح ما لقت الها مطرح
حا حظ المسكينة سكرت المدينة

القرد بعين امو غزال
بكل عرس الو قرص

ضربة عالحافر وضربة عالمسمار
كل شي بزيد عن حدو بينقلب ضدو

ان كان حبيبك عسل ما تلحسو كله
الكحل احسن من العمى

السر اذا جاوز تنين فشا
يلي خلق علق و يلي ما عجبو ينفلق

غاب القط العب يافار
قلبي على ولدي فتر وقلب ولدي على الحجر

يللي بشوفك بعين شوفوا بالعينتين
بدعي على ابني وبكره مين يقول آمين

بكرا بتقعد جنب الحيطه وبتسمع الزيطه
ضربنى وبكى سبقنى واشتكى

يا خبر اليوم بمصاري بكرا ببلاش
بالوش مراية وبالقفا سرماية

العين بصيره والايد قصيره
حبيبك يبلع لك الزلط وعدوّك يتمنى لك الغلط

على قد بساطك مد اجريك
يلي بيتو من قزاز ما يراشق بالحجار

الباب اللي بيجيك منه الريح سده واستريح
اقلب الجره على تمها بتطلع البنت لامها

خبي قرشك الابيض ليومك الاسود
كول على ذوقك والبس على ذوق الناس

المكتوب مبين من عنوانو
العيار يللي ما بيصيب، بيدوخ

ياما في الحبس مظاليم
هين فلوسك ولا تهين نفوسك

الديك الفصيح من البيضة بيصيح
راحت السكرة واجت الفكرة

علمناهم عالشحادة سبقونا على الابواب
متل الجوز ما بيجي الا بالكسر

حبيته وداريته ولما عزتو ما لقيتو

كل شيء حسبنا حسابه الا وقفتنا على بابه
خد الأصيلة ولو كانت على الحصيرة

ما يغرك رخصه حا ترمي نصو
ما بيقرقع بالدست الا العضام

قال اجا تا يكحلها عماها
إللى ما الو خير بأهله ما الو خير بالناس

الاجر بتدب مطرح ما تحب
العبد فى التفكير والرب فى التدبير

بيروح العاشق وبيجي المشتاق
إذا كان الكلام من فضة فالسكوت من ذهب

عمر الدمع ما شعل شمع
ما تقول فول تا يصير بالمكيول

شو لم بنت الاكابر على ابن مصلح الكنادر
لو بدي أصرف من كيسي ما قبلتك عريسي

بعد ما شاب ودوه عالكتاب
ياما تحت السواهي دواهي

بيشرب البحر وبيغص بالساقية
وجع الضرس ولا وجع الفلس

بحبك يا اسواري بس اد زندي لأ
كل ديك عا مزبلتو صياح

يللي ما بدو يجوز بنتو بيعللي مهرها
إللي ما بيخاف من الله خاف منو.

إيد واحدة ما بتزقف
عصفور بالايد ولا عشرة عالشجرة

بكرا بيذوب الثلج و بيبان المرج
بيت السبع ما بيخلا من العظام

بيت الضيق بيساع ألف صديق
حبيبي بحبو ولو كان عبد أسود
خالف تُعرَف
التلم الأعوج من الثور الكبير

خدو أسرارهن من زغارهن
دُق المي وهييّ مي

دود الخل منّو وفيه
قدو قد الفارة وصوتو متلا الحارة

عم بحكيكي يا جارة تا تسمع الكنة
على قد بساطك مد اجريك

الباب يللي بيجيك منو ريح سدو واستريح
الناس بالناس والقطة النفاس

تيتي تيتي متل ما رحتي متل ما جيتي
هبله ومسكوها طبله

بيقتل القتيل وبيمشي بجنازته
الي ايدو بالمي مش متل يللي ايدو بالنار

بتعطيني بعطيك لا تبخل ولا أطمع فيك
إذا كان خصمك القاضي مين تقاضي

ما قدر على الحمار اتشطر على البردعه
مفتاح البطن لقمة ومفتاح الشر كلمة

رضينا بالهم والهم ما رضي فينا
عقلك برأسك بتعرف خلاصك

الي سبق شم الحبق
بس توقع البقرة بيكترو دباحينها

ست وجاريتين على قلي بيضتين
عيش يا اكديش حتى ينبت الحشيش

رجعت حليمة لعادتها القديمة
يللي بدو الدح ما بدو يقول أح

عقلك براسك بتعرف خلاصك
خذ من الفجل الورق ومن اللحم المرق

عند الامتحان يكرم المرء او يهان
الجمل لو شاف حردبتو كان وقع وكسر رقبتو


يا آخدي القرد على ماله بيروح المال وبيبقى القرد على حاله
مكتوب على ورق الخيار يلي بيسهر بالليل بينام بالنهار
يللي بيعرف بيعرف ويللي ما بيعرف بيقول كف عدس
قال شو يللي صبرك على المر قال اللي امر منه
خدلك من عالحزمة عود والباقي تنتعو القرود
جبنا الاقرع تا يونسنا كشف عن قرعتو وفزعنا
الدجاجه ما بتبطل كارها ولو قصوا لها منقارها
إذا ركضت ركض الوحوش غير نصيبك ما بتحوش
يا رايح مشوار وانت ساهي .. انتبه لا توقع في الدواهي
شو بدي اتذكر منك يا سفرجلة كل عضة بغصة
خذي حبيبي وروحي واتركيني أداري جروحي
سمعنا عن كرمكم سمع لا عينا شافت ولا ضرسنا لمع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://a-m-h-a.yoo7.com
 
أمثال وعبر لمن اعتبر من
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كنوز الحاسبات العراقية من الطارمية بادارة أحمد محمود :: الفئة الأولى :: منتدى البحوث العلمية والتاريخية-
انتقل الى: